madaar news

اسلام آباد (مدارنیوز) پاکستان شوبز انڈسٹری کی ایک اور معروف جوڑی میں شادی کے 9 سال بعد طلاق ہو گئی۔اداکارہ مدیحہ رضوی نے طلاق کی تصدیق کردی۔انہوں نے اپنے انسٹاگرام اکاؤنٹ سے طلاق کے حوالے سے خبروں کی تصدیقی پوسٹ شیئر کی۔مدیحہ رضوی نے کہا کہ کافی سال ایک ساتھ گزارنے کے بعد خوش اسلوبی سے حسن اور میں نے طلاق کا حتمی فیصلہ کرلیا ہے۔
ہم نے رشتے میں بہتری کی بہت کوشش کی۔اس کے لئے کچھ وقت ساتھ اور الگ بھی رہے کہ اس رشتے کے لئے کیا بہتر ثابت ہوسکتا ہے جس کے بعد آخری فیصلہ یہی کیا گیا کہ طلاق ہی بہتر حل ہے۔مدیحہ رضوی نے کہا کہ ہم آج بھی اور مستقبل میں بھی ایک خاندان ہی ہیں۔کیونکہ ہم اپنی بچیوں کی پرورش مل کر کریں گے۔اسی لئے ہم سب سے اپیل کرتے ہیں کہ اس مشکل وقت میں ہماری پرائیویسی کا خیال رکھا جائے اور ہمیں دعاؤں میں یاد رکھیں۔

ہم نے ہمیشہ اپنی نجی زندگی اپنے تک محدود رکھی ہے اس لیے مستقبل میں بھی یہی چاہیں گے۔مدیحہ رضوی اور حسن نعمان کی شادی 2013 میں ہوئی تھی اور ان کی دو بیٹیاں ہیں۔مدیحہ رضوی ماضی کی معروف اداکارہ دیبا کی بیٹی ہیں جبکہ اداکارہ حسن نعمان بھی معروف اداکار رشید ناز کے صاحبزادے ہیں۔چند دن قبل معروف شوبز جوڑی ثناء اور فخر جعفری میں بھی علیحدگی ہو گئی تھی۔
معروف اداکارہ ثناء نے کہا ہے کہ طلاق کے تجربے کے دوران سیکھا میں سٹیل مین نہیں ہوں،باقی زندگی کو بہترین دور بنانے کا انتخاب کیا ہے،اب لوگوں میں ہمت آ گئی ہے یہ اچھی روایت ہے جس کے ساتھ وہ محفوظ یا اچھا محسوس نہیں کرتے انہیں چھوڑ دیتے ہیں۔ثنا فخر نے نجی ٹی وی چینل پر طلاق کے بعد پہلی بار بطور مہمان شرکت کی اور اپنی طلاق سے متعلق بات کی۔
اداکارہ ثناء نے بتایا کہ میں مضبوط نہیں ہوں، میں نے طلاق کے تجربے کے دوران سیکھا ہے کہ میں اسٹیل مین نہیں ہوں۔انہوں نے کہا کہ میں اس موضوع پر کیا بولوں، مگر میں نے اپنی باقی زندگی کو بہترین دور بنانے کا انتخاب کیا ہے۔انہوں نے کہا کہ میرے خیال میں اب لوگوں میں اتنی ہمت آ گئی ہے کہ وہ اپنی خوشی کیلئے قدم اٹھاتے ہیں، جس کے ساتھ وہ محفوظ یا اچھا محسوس نہیں کرتے اسے چھوڑ دیتے ہیں اور یہ ایک اچھی روایت ہے۔

LEAVE A REPLY

Please enter your comment!
Please enter your name here